hajar97

الاثنين، 6 يونيو 2016

تجربتي مع كريم Unitone4 reveal

السلام عليكم ورحمة الله وبركاته

رمضان كريم يارب جعلنا الله من قوامه وصوامه

أتمنى تكونون كلكم بصحة وعافيه

اليوم راح أتكلم لكم عن منتج ♥︎

unitone 4 reveal

الكريم هذا مخصص للتفتيح وتوحيد اللون وازالة اثار الحبوب والتصبغات والكلف

يتميز بأن فيه واقي من الشمس 20 وحتى لو مافاد بشمسنا يفيد بأنه يحميك من اشعة الاجهزة والاضائات

رقم ٤ يعني فيه يرمز لتركيز الهيدروكينون ٤٪ غالبا المسموح باستخدامها والتجارة بها بين ٢٪ و ٤٪

التركيز العالي يستخدم بوصفة طبية وفي العيادات فقط.

للحصول على النتيجة لازم الإستمرار لمدة ٣ شهور متتالية بدون تقطيع ويمديك تستخدمينه صبح وليل . سعره تقريبا ٢٨٠ ريال او ٢٧٠

نتيجتي :

كان فيني أثار لحبوب شباب بعد الاستمرار لمدة ٣ اسابيع متتالية بدت تختفي والان صارلي شهرين استخدمة اختفت تماماً لكن التفتيح موبشكل ملحوظ في كريم ثاني منه للتفتيح .

وجهي صار أصفى واطرى وللحين بستمر عليه

الكريم ثقيل وقوي يعني نتيجته فعاله بس راح تخلص معاك العلبه بسرعه . انا لان وجهي صغير XD ف تكفيني 3 نقط

اغسل وجهي بغسولي بعدين احط تونر استناه ينشف بالخطوه الاخيره الكريم

ونصيحة يابنات الكرييم جممميل جججميل ججداً للاثار والحبوب لكن لاتستخدمينه على بشرة متهيجه او مجروحه

المنتج متوفر بالصيدليات

HAJAR BLOG

الأربعاء، 4 مايو 2016

MY LAST FAVORITE ⎮ مفضلاتي الاخيرة

السلام عليكم ورحمة الله وبركاته

كيفكم بنات وشلون صحتكم ♥︎

اليوم راح أعرض لكم منتجات واشياء استخدمتها في الفترة الاخيرة وعجبتني

راح نبدأ بمفضلات الميك اب ♥︎

أول شي روج سايل من كات فون دي

الماركه هذي نزلت بكل سيفورا السعودية من شهر تقريبا

الجودة حقت الروج عاليه فضضيعه مات وثثثثااابت ، عرفتو مات بس ماتحسينه ع شفايفك من كثر ماهو خفيف ومايشقق الشفايف جودته تشابهه اروج nyx السايله بس بالجودة يفوز كات فون دي ، اللون هذا درجته مره حلوه واشهرها تقريبا

اسمه لوليتا

سعره ب ١٠٠ ريال ويستاهل كل ريال بجد

#٢

ماسكرة توفيسد بتر ذان لوف

اااخ وش اقول وش أخلي

من أفضضضل المسكرات الي جربتهم :( تجنن تججن وخفيفة مره على الرموش وماتيبسهم تطول وتكثف بشكل جداً ملحوظ

وثباته شي مره جميييل مره حطيتها من عصر وواصللت فيها لليوم الثاني وللحين ثابته . لو خلصت راح أرجع واشتريها

من سيفورا (توفيسد)

خذتها من قطر ب ١١٣

هنا اتوقع ب ١٤٥

#٣

كونسيلر ميبلين

ججمميل صرت ما احب استخدم الا هو خفيف ع البشرة وتغطيته مرا ممتازه وثابت ثابت

حلو ك استخدام يومي

سعره مختلف صراحة من تاجرة لتاجرة

مو متوفر بالسعودية

نجي الحين لمنتجات العناية

الحب الحب الحب :(♥︎

الصابونة السودا الافريقية

أستخدمتها لمدة تقريبا ٦ شهور وأكثر مع كل شاور

والله يابنات شي شي جسسمي تووحد وتفتح والاكواع والركب شي فضضيع ماشاءالله أستخدمها مع الليفة المغربيه اول شي ابلل جسمي بماي ساخن عشان تتفح المسام بعدين ابعد وافرك الصابون ع جسمي بعدين أجيب الليفه وادعك واقفل المسام بماي بارد وبس أطلع لازم لازم أرطب جسمي بزبدة الشيا الي من بودي شوب وأستخدمها ليدي بعد لارجعت من سفر ومسمرة شوي كم سبحه ويرجع لونها

صدقوني يابنات استخدموها وبتدعون لي ، ماكتبت عنها الا لمن خلصت العلبه كاملة

تلاقونها بحسابات الانستقرام أو اي هيرب وامازون

أنا أخذتها من أمازون

المقشر هذا من سوب & قلوري

امم حليو ماحسيته يسوي فرق مره واضح بس الي يخليني أعشقه رييييحتتتته :( جممميلللة

وبعد أحب استخدمة يومي ليدي وبعدها أرطبها

أشتريته من بوتس ب ٨٠،٩٠ جي

وقفة أحترام وعشق كبير لهذا العطر من ريبورتو كفالي

المفضل المفضل عنندييي وودي ما أستخدمه عشان مايخلص

رريييحته شي شي خخخررااافييي ماقدر أوصفه وريحته مميزه وأخذت اللوشن والشاور جيل حقه يعني ريحة فواحه وثبات

من فافاوم أخذته بعرض مع اللوشن و.....

٤٠٠ ريال

أي ! بلوفر عادي بس مره عاجبني الديزاين الي عليه وحلو مع جينز فاتح ♥︎
من بول & بير
١٤٠ ريال

كتاب التلوين للكبار مره ممتع وحلو ويضيع وقت بشي حلو

من جرير ب ٤٩ اتوقع ما أذكر والله

رواية فئران أمي حصة ♥︎

من أجمل الروايات الي قريتها تدخلين فيها جو جو ماودك توقفين الا وانتي مخلصتها مره مؤثرة ومعبره

طبعا لانها من الكاتب سعود السنعوسي أخذ اي روايه له تنزل وأنا مغمضة

تلاقونها بكل المكاتب

وبكذا خلصت مفضلاتي الأخيره أتمنى تكونون أسفدتو ولو بشي بسيط

HAJAR BLOG

الأحد، 28 فبراير 2016

٣ تنسيقات بناتيه لتنورة وحدة ♥︎

السلام عليكم ورحمة الله وبركاته

اليوم البوست بيكون عن الفاشون ، أول بوست للفاشون حبيته يكون خفيف عليكم.

راح أعرض ثلاث تنسيقات لتنورة وحدة ممكن تنلبس بأكثر من شكل

نبدأ بالتنسيقات ♥︎

الستايل الأول #١

حبيت يكون ستايل أنيق وكشخه وبنفس الوقت كاجوال
أستخدمت بلوفر من : بيرشكا
الشوز الوردي : أدايدس
السلسال : جوسي
الساعه : ذهب جايتني هدية
الأسوارة : كارتير ذهب
الشنطة الكروس بودي: من بيرشكا حبيتها لان داخل فيها الذهبي خفيف جهة السلسله

الستايل الثاني #٢

كاجوال بس رسمي أكثر ومايل للشياكة
حبيت يكون القميص الجينز مع التنورة الكلاسيك هذي
القميص الجينز : سيتي ماكس
الفلات : نيولوك
الشنطة : كوتش
الساعة : الركن السويسري
العطر : ريبورتو كفالي
الاسوارة : تاتو تاتي
النيكلس : H&M

الستايل الثالث #٣

الستايل الكلاسيك ♥︎
التوب الدانتيل الكلاسيك هذا حبيته يكون مع التنورة يعطيه حده وأناقه
التوب : بيرشكا
الهيلز : نيولوك
الكروس بودي : هذي الشنطة الاثريه الأنيقة أححبها هذي هدية بابا لماما أيام الملكة
النيكليس اللولو : H&M
الساعه : الركن السويسري
الاساور : مطلي فان كليف

وبكذا أكون خلصت البوست الخفيف هذا !
الفكرة فيه زي ماقلت كيف تلبسي القطعه أكثر من مره وبأكثر من لوك

التنورة الاساسية هذي من forever21

أتمنا تكونون أستفدتو ولو بفكرة بسيطة .

Hajarblog

الخميس، 25 فبراير 2016

١٠ منتجات ميك اب لازم تتوفر عند كل بنت ♥︎

عشرة منتجات ميك اب لازم تتوفر عند كل بنت هاوية للميك اب ♥︎

اليوم راح اتكلم لكم عن ايش هي المنتجات اللي لازم تتوفر عند كل بنت تحب تحط ميك اب او هاوية له والخطوات .

فالبداية أهم شي يكون عندكك مرطب تستخدمينه قبل الميك اب او ممكن تستبدلينه بالفيكس بلس يهيئ بشرتك للميك اب او ماي الورد البارد يشد لك البشرة

بعد ماتبخين منه كم بخه استنيه ينشف شوي . وبعد كذا ننتقل للبرايمر فقط تستخدمينه إذا عندك طلعه طويله او عزيمة مايستخدم يومي

هذا البرايمر من بينفت صارلي مدة أستخدمه ومرتاحه عليه ججميل يخلي كذا البشرة مخمليه ويقفل كل المسام طريقتي أنا ماستخدمه على كل وجهي فقط على الأماكن الي تدهن .

اذا ماعندك هالات سودا انتقلي وحطي كونسيلر أنا استخدم هذا للاستخدام اليومي حلو وخفيف وتغطيته من خفيفه لمتوسطه

بعد ماوزعت الكونسيلر احط الفاونديشن على كل وجهي بس ماوصله لتحت عيني عشان مايخطط

هذا الفاونديشن من لوريال (تروماتش)

صراحة جميل وتغطيته مره حلوه ويعطيك اللوك الديوي تقدرين تستخدمينه يومي بعد والحلو ان فيه حماية من الشمس

عشان يكون الكونسيلر والفاونديشن ثابت لمدة أطول لازم تثبتيه بكومابكت باودر ( بودرة مضغوطة ) أو لوسباودر (البودرة المنثورة )

بعد كذا الحواجب احس الحواجب لو ترتبت حتى بدون ميك اب شكلك بيطلع جميل

حاولي ترسمينها رسمة طبيعيه بدون ماتعرضين وتنحفين فقط ارسميها ونظفيها بكونسيلر . أنا أستخدم هذا الجيل من أنستازيا

راح أنزلكم بعدين أن شاء الله طريقة رسم الحواجب

درجة الجل( تشوكليت)

بعد كذا أككيد الماسكرا حبيبة الكل ♥︎

مهما كنتي تحبين تركبين رموش وكل يوم صدقيني ماراح تكون مثل رموشك الطبيعيه أهتمي فيها غير كذا الرموش التركيب بتنتف رموشك .

ماسكرة توفيسد باتر ذان لوف

اللي الكل يمدح صراحة هي حلوه تكثف مع تطويل جميل

سوادها جميل يعني تستاهل ضجتها .

وأكيد لازم الروج ، حاولي تختارين وتعرفين الألوان المناسبة لبشرتك صديقيني هالحركة بتفرق معك ويطلع شكك أحلى

أحترت ! أحط الايلينر من ال١٠ أشياء لازم تتوفر ؟ بس بالنهايه أخترت يكون القلم

قلم كحل ممكن تحطينه بداخل عينك ومن فوق وممكن ترسمين فيه أيلينر

ماعليكم مبريته كبير عشان استخدمه بجفني للسموكي .

وثانيا أذا ودك بشي طبيعي ويعطيك توسع لعينك مالك ألا الكحل البيج جمميل ويعطي عينك أتساع ملحوظ

الكحل الأسود من هريرا

والبيج من ريميل

وبكذذا أكون خلصت حاولت أختصر لكم وماطول عليكم وأعطيكم أهم المنتجات
في النهاية أنتي والله حلوه
بس أهتمي بنفسك ♥︎

Hajar blog

الجمعة، 18 ديسمبر 2015

منتجين حسنو من جسمي ♥

بسم الله الرحمن الرحيم♥

Biotin

Rapid lash

راح اتكلم اول شي عن حبوب الفايتمين بيوتين

سمعت عنها مدح كثير وكنت محتارة بينها وبين حبوب بونتي الورديه،

الفايتمين هذي مكمل غذاء للشعر والاظافر تطول الشعر وتكثفه وللاظافر تقويها وتخليها تطول بسرعه

الحلو في الحبوب ان قوتها ١٠ الاف .

العلبة فيها ١٠٠ حبة تكفي لثلاث شهور و١٠ ايام

حبة وحدة في اليوم بعد الوجبة الاساسية .

بعد تجربتي شهر واسبوعين

الاظافر:

من اول اسبوع بان عليها القوة وصارت تطول بسرعه

شعري :

طول طول ملاحظ ماشاءالله

واحسة اكثر من اول بس بعد ماراح تبان النتيجة الا لما اخلص الكورس، ان شاءالله راح ارجع واقولكم ايش التغييرات الي صارتلي .

نصيحة :

١| لازم تكثرين شرب ماء لان الحبوب كلها الياف ف يحتاج الجسسم بكثرة

كذا مره يجيني صداع قوي والسبب ماكنت اشرب بس الحمدالله صرت انتبهه واشرب .

٢| لمن تجين توقفين الحبوب وقفيها تدريجيا لان جسمك يكون متعود عليها فغلط فجأة توقفين استخدامها

Rapid lash

معروفين أحنا البنات اننا نحب نستخدم الماسكرا ومانستغني عنها وأنا منكم .

انا ماشاءالله روموشي طوال وكثيفه بس خفت من الماسكرا اليوميه والواتربروف .

ف بديت اعتني في رموشي وادور خلطات الي معروفة الخروع والفازلين . بس حوسسه وتدبق بدموشي لمن كنت اصحى من النوم ملزقه .

لين لقيت يوتيوبر اجنبية تتكلم عنه

المنتج عبارة عن جل شفاف يتألف من الاحماض الامينية المفيدة ، يساعد على حماية شعر الحاجب والرمش من الكسر والحفاظ على صحة المظهر وإضفاء لمعان وبريق ويسرع من نمو الرمش وشعر الحاجب .

طريقة استعمالة: